Адам және психика жайлы

• Адамдықтың белгісі ақылың мен мінезің. Адам болам десең, осы екеуін түзегін.
• Ақылдыға ақша бітсе, көңілі гүл ашады, ақылсызға ақша бітсе, аузынан жын шашады.
• Ақылман дегендердің арасында  ақымақтар да бар. Өмір өзгерсе, ақымақ пен ақылды атауы да өзгеріп тұрады. Өзгермейтіндер өз Отанына, ұлтына шын берілгендер.
• Ақыл, дарын, парасат адам баласында туа бітетін асыл қасиеттер. Адамның туа біткен асылдары екінің бірінде бола бермейді, асылын қорғап, дамыта білгендер ғана нағыз адам.
• Сынықты салсаң, сипап отырып саласың. Сынған көңілдің жарасын сыйлап жүріп жазасың.
• Ибалылық – имандылықтың белгісі.
• Адам жанын түсінбейтін адамнан өзіңді түсінуді талап ету – құрғақ құдыққа шелек салғанмен бірдей.
• Адам баласының бойын билеп алатын сезімдердің ішінде сағыныштан тәтті, өкініштен ауыр сезім болмаса керек. Сағыныштың тәттілігі – сарғайта күттіреді, өкініштен ауыр болатыны – өзегіңді өртейді.

                                                           Нұрмұқан Жанұзақұлы